പാലക്കാട്: അമിത വേഗത്തിലെത്തിയ ലോറിക്ക് അടിയില്പ്പെട്ട് വയോധിക മരിച്ചു. പാലക്കാട് കഞ്ചിക്കോട് സ്വദേശി സരസു (65) ആണ് മരിച്ചത്. കഞ്ചിക്കോട് റെയിൽവേ ജംഗ്ഷന് സമീപത്തെ വാട്ടര് ടാങ്ക് റോഡില് വച്ചായിരുന്നു അപകടം. ദേശീയപാത മുറിച്ചു കടക്കുന്നതിനിടെ അമിത വേഗത്തിലെത്തിയ ലോറിക്ക് അടിയില്പ്പെടുകയായിരുന്നു ഇവര്. ലോറി അടിത്തെത്തിയപ്പോള് പെട്ടെന്ന് മാറാനുള്ള ഇവരുടെ ശ്രമം വിഫലമാവുകയും ഇവര് ലോറിയുടെ അടിയില്പ്പെടുകയുമായിരുന്നു.
അപകടത്തെ തുടര്ന്ന് ഇവര് തത്ക്ഷണം മരിച്ചു. ദേശീയ
പാതയിലൂടെ വലുതും ചെറുതുമായി
നിരവധി വാഹനങ്ങളാണ് ഇതുവഴി
കടന്ന് പോകുന്നത്. തമിഴ്നാട്
അതിർത്തിയായതിനാൽ ചരക്ക്
വാഹനങ്ങളും നിരവധി. എന്നാൽ,
ദേശീയപാതയുടെ ഇരുവശവും
താമസിക്കുന്ന ഗ്രാമവാസികൾക്ക് പാത
മുറിച്ച് കടക്കുന്നത് ഇതിനാൽ തന്നെ
ഏറെ ശ്രമകരമാണ്. പ്രത്യേകിച്ചും
പ്രായമായവും കുട്ടികളും റോഡ് മുറിച്ച്
കടക്കാൻ പാടുപെടുന്നു. ഇത്
പ്രദേശത്ത് ചെറുതും വലുതുമായ
അപകടങ്ങൾക്ക് കാരണമാകുന്നു.
പ്രദേശവാസികൾക്ക് റോഡ് മുറിച്ച്
കടക്കാൻ ദേശീയപാതയ്ക്ക് കുറുകെ
മേൽപ്പാലം വേണമെന്ന ആവശ്യവും
ശക്തമാണ്.