മുണ്ടക്കയം: വീടു പൊളിക്കുന്നതിനിടെ കോണ്ക്രീറ്റ് ബീം തലയില് വീണു പുഞ്ചവയല് 504 കോളനിയില് മാന്തറയില് ധനേഷ് (50) മരിച്ചു.
ഞായറാഴ്ച ഉച്ചകഴിഞ്ഞ് രണ്ടു മണിയോടുകൂടിയായിരുന്നു അപകടം.
പനക്കച്ചിറ സ്വദേശിയായ പനവേലിയില് സാബുവിന്റെ ഉടമസ്ഥതയിലുള്ള പഴയ വീടിന്റെ കട്ടകള് ഇളക്കി മാറ്റുന്നതിനിടയിലാണ് അപകടം സംഭവിച്ചത്. ധനേഷും ഭാര്യയും രണ്ടുദിവസമായി വീടിന്റെ കട്ടകള് പൊളിച്ചു വരികയായിരുന്നു. ഞായറാഴ്ച ഉച്ചയോടെ കട്ടകള് പൊളിക്കുന്നതിനിടയില് വീടിന്റെ ബീം അടര്ന്നുവീഴുകയായിരുന്നു.
അപകടത്തില് ധനേഷിന്റെ തലയുടെ ഒരു ഭാഗം പൂര്ണമായും തകരുകയും സംഭവ സ്ഥലത്തുവച്ചുതന്നെ ധനേഷ് മരിക്കുകയും ചെയ്തു. തുടര്ന്നു നാട്ടുകാര് ചേര്ന്നു മുണ്ടക്കയം മെഡിക്കല് ട്രസ്റ്റ് ആശുപത്രിയില് എത്തിച്ചു. മുണ്ടക്കയം പോലീസ് സ്ഥലത്തെത്തി മേല്നടപടികള് സ്വീകരിച്ചു.