തൃശൂർ: നിയന്ത്രണം വിട്ട കാർ കിണറ്റിൽ വീണു. സുന്ദരിക്കവലയിലെ പാറക്കെട്ടിലാണ് സംഭവം. അപകടത്തെ തുടർന്ന്, അഗ്നിശമനാസേനയെത്തി കാറിലുണ്ടായിരുന്ന മൂന്നു പേരെ രക്ഷപ്പെടുത്തി. പോട്ട സ്വദേശികളായ കളരിക്കൽ സതീശൻ, ഭാര്യ ജിനി, സുഹൃത്ത് ഷിബു എന്നിവരായിരുന്നു കാറിൽ ഉണ്ടായിരുന്നത്.30 അടിയോളം താഴ്ചയുണ്ടായിരുന്ന കിണറിലായിരുന്നു നിയന്ത്രണം വിട്ട കാർ വീണത്. ഏകദേശം 8 അടിയോളം വെള്ളവും കിണറ്റിൽ ഉണ്ടായിരുന്നു. ചാലക്കുടി അഗ്നി രക്ഷാ നിലയത്തിലെ ഉദ്യോഗസ്ഥരാണ് യാത്രക്കാരെ രക്ഷിച്ചത്.