പുന്നയൂര്‍: കാര്‍ ബുള്ളറ്റിലിടിച്ച്‌ ബുള്ളറ്റ് യാത്രക്കാരന്‍ മരിച്ചു. കടപ്പുറം മാട്ടുമ്മല്‍ പണിക്കല്‍ വീട്ടില്‍ കുമാരന്‍റെ മകന്‍ സതീശന്‍(49) ആണ് മരിച്ചത്.
ദേശീയപാത അകലാട് വച്ചാണ് അപകടം നടന്നത്. അപകടത്തെ തുടര്‍ന്ന്, നാട്ടുകാര്‍ ഇയാളെ ചാവക്കാട്ടെ സ്വകാര്യ ആശുപത്രിയിലും തുടര്‍ന്ന്, അമല മെഡിക്കല്‍ കോളജിലും പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
മൃതദേഹം പോസ്റ്റ്മോര്‍ട്ടം നടപടികള്‍ക്ക് ശേഷം സംസ്കരിച്ചു. ഭാര്യ: സന്ധ്യ. മക്കള്‍: സാന്ദ്ര, ശലഭ, ശ്രീലക്ഷ്മി. മാതാവ്: ശാരദ.