എളവള്ളി: അജ്ഞാതനെ ട്രെയിന് തട്ടി മരിച്ച നിലയില് കണ്ടെത്തി. ഏകദേശം 40 വയസ് തോന്നിക്കുന്ന പുരുഷനാണ്
കഴിഞ്ഞ ദിവസം തൃശൂരില് നിന്നു ഗുരുവായൂരിലേക്ക് ട്രെയിന് കടന്നുപോയപ്പോഴാണ് അപകടം നടന്നത്. മുണ്ടും ഷര്ട്ടുമാണ് വേഷം.
ഉല്ലാസ് നഗര് റെയില്വേ ക്രോസിനു സമീപം ആണ് സംഭവം. സമീപത്ത് ഉപേക്ഷിച്ച നിലയിലുള്ള സൈക്കിള് കണ്ടെത്തി. പാവറട്ടി പൊലീസ് സ്ഥലത്തെത്തി ഇന്ക്വസ്റ്റ് നടത്തി.
തുടര്ന്ന്, മൃതദേഹം തൃശൂര് മെഡിക്കല് കോളജ് ആശുപത്രി മോര്ച്ചറിയിലേക്ക് മാറ്റി. എന്തെങ്കിലും വിവരം ലഭിക്കുന്നവര് പാവറട്ടി പൊലീസില് അറിയിക്കണം.