ചെങ്ങന്നൂര്: എം.സി റോഡില് മുളക്കുഴ പെട്രോള്പമ്ബിന് സമീപം കാര് നിയന്ത്രണംവിട്ട് വൈദ്യുതിത്തൂണിലിടിച്ച് അപകടം.
വ്യാഴാഴ്ച വെകീട്ട് 3.30 നായിരുന്നു അപകടം ഉണ്ടായത്. ഹോണ്ട സിറ്റി കാറില് അഞ്ച്പേര് ഉണ്ടായിരുന്നെങ്കിലും ആര്ക്കും അപകടത്തില് പരിക്കുകളില്ല. മാന്നാര് കുരട്ടിക്കാട് വല്യവീട്ടില് തറയില് സുരേന്ദ്ര പണിക്കര്, ഭാര്യ പുഷ്പ, മക്കള് ഗായത്രി, നന്ദന, ഡ്രൈവര് പത്തനംതിട്ട സ്വദേശി സന്തോഷ് എന്നിവരാണ് വാഹനത്തിലുണ്ടായിരുന്നത്.
തമിഴ്നാട്ടിലെ മാര്ത്താണ്ടത്ത് നഴ്സിങ്ങ് പഠനം പൂര്ത്തിയാക്കിയ മകള് ഗായത്രിയെ കൂട്ടിക്കൊണ്ട് വരികയായിരുന്നു. എതിര്ദിശയില് ചെങ്ങന്നൂര് ഭാഗത്തു നിന്നും നിയന്ത്രണംവിട്ടു വന്ന കാറില് ഇടിക്കാതിരിക്കാന് വെട്ടിച്ചു മാറ്റിയപ്പോഴാണ് പോസ്റ്റിലിടിച്ച് അപകടമുണ്ടായത്. തൂണൊടിഞ്ഞ് തൊട്ടടുത്തുള്ള കാനയിലേക്ക് വണ്ടി ഇടിച്ചു നിന്നു. കെ.എസ്.ഇ.ബി ഉദ്യോഗസ്ഥരും നാട്ടുകാരും ഫയര്ഫോഴ്സും പൊലീസും ചേര്ന്ന് വാഹനത്തില് കുടുങ്ങി കിടന്നവരെ പുറത്തിറക്കി.