കാസർകോട്: കുമ്പള ദേശീയപാതയിൽ മീൻ ലോറി ഓട്ടോയുമായി കൂട്ടിയിടിച്ച് ഓട്ടോ ഡ്രൈവർ അടക്കം രണ്ടുപേർക്ക് ഗുരുതര പരിക്ക്. ഓട്ടോ ഡ്രൈവർ ആരിക്കാടി സ്വദേശി അബ്ദുൽ സത്താർ (40), ബദരിയ നഗർ സ്വദേശി സത്താർ (45) എന്നിവർക്കാണ് പരിക്ക്. ശനിയാഴ്ച രാത്രി 7 മണിയോടെ കുമ്പള ദേവി നഗറിലാണ് അപകടം. അമിത വേഗതയിൽ എത്തിയ മീൻ ലോറി ഓട്ടോയിൽ ഇടിക്കുകയായിരുന്നു. ഓട്ടോയുടെ മുൻഭാഗം പൂർണ്ണമായും തകർന്നു. പരിക്കേറ്റവരെ കുമ്പള സഹകരണ ആശുപത്രിയിലും ഗുരുതരമായതിനാൽ മംഗളൂരുവിലെ സ്വകാര്യ ആശുപത്രിയിലും കൊണ്ടുപോയി. അപകടത്തെ തുടർന്ന് കുമ്പള പൊലീസ് സ്ഥലത്തെത്തി.