കോഴിക്കോട് താമരശ്ശേരി :
വേങ്ങര വലിയോറ പാണ്ടികശാല കെ ആർ എച് എസ് സ്കൂളിലെ ബസ് താമരശ്ശേരി ചുരത്തിൽ അപകടത്തിൽപ്പെട്ടു. അഞ്ചോളം പേർക്ക് പരിക്കേറ്റു. സ്കൂളിലെ ജീവനക്കാരും അവരുടെ മക്കളും സഞ്ചരിച്ച സ്കൂൾ ബസ് ആണ് അപകടത്തിൽപ്പെട്ടത്. പരിക്കേറ്റവരെ ഈങ്ങാപ്പുഴ സ്വകാര്യ ആശുപത്രിയിൽ പ്രവേശിപ്പിച്ചു. പരിക്കേറ്റവരുടെ നില ഗുരുതരമല്ല. സ്കൂൾ ബസ്സിൽ വയനാട്ടിലേക്ക് ടൂർ പോയ സംഘമാണ് ഒന്നാം വളവിൽ അപകടത്തിൽ പെട്ടത്. ചുരം സംരക്ഷണ സമിതി പ്രവർത്തകരും എൻഡിആര് എഫ് പ്രവർത്തകരും ചേർന്ന് രക്ഷാപ്രവർത്തനം നടത്തി......