അരൂർ: ദേശിയ പാതയിൽ ബാരിക്കേഡിൽ ഇടിച്ച് ലോറി നിയന്ത്രണം വിട്ട് മറിഞ്ഞു. അപകടത്തിൽ രണ്ട് പേർക്ക് ഗുരുതരമായി പരിക്കേറ്റു. എലിവേറ്റഡ് പാത നിർമ്മാണം നടക്കുന്ന അരൂർ-തുറവുർ പാതയിയിൽ ചന്തിരൂർ ഗവ: ഹൈസ്ക്കൂളിന് വടക്ക് ഇന്ന് പുലർച്ചെ 4 മണിയോടെ അപകടമുണ്ടായത്. ഡ്രൈവറുടേയും ക്ലീനറുടേയും നില ഗുരുതരമാണ്. അപകടത്തിൽ പെട്ടവരെ ആശുപത്രിയിലേക്ക് മാറ്റി. ഫ്രൂട്ട്സ് കയറ്റിവന്ന വാഹനമാണ് അപകടത്തിൽ പെട്ടത്. അപകടത്തെ തുടർന്ന് ദേശിയ പാതയിൽ ഗതാഗത കുരുക്ക് ഉണ്ടായി. തുടർന്ന് അരൂർ പോലീസും ഹൈവേ പോലീസും ചേർന്ന് വാഹനങ്ങൾ നിയന്ത്രിച്ചു.