കോട്ടയം പള്ളിക്കത്തോട്: ലഹരിക്ക് അടിമ ആയ മകന്റെ വെട്ടേറ്റ് അമ്മ മരിച്ചു.. ഇളമ്പള്ളി പുല്ലാനിത്തകടിയിൽ അടുകാണിൽ സിന്ധു(45) ആണ് മരിച്ചത്. മകൻ അരവിന്ദ്(26) ന്റെ വെട്ടേറ്റാണ് ഇവർ മരിച്ചത്. വ്യാഴാഴ്ച രാത്രി എട്ടരയോടെയാണ് സംഭവം. വാക്കത്തി കൊണ്ട് കഴുത്തിന് വെട്ടുകയായിരുന്നു. കുടുംബവഴക്കിനെ തുടർന്നാണ് സംഭവം. വെട്ടിയ വാക്കത്തിയുമായി അരവിന്ദ് അയൽപക്കത്തെത്തി അമ്മയെ വെട്ടിയെന്ന് പറയുകയായിരുന്നു. അയൽവാസി വിവരം പഞ്ചായത്തംഗങ്ങളായ ജിന്റോ സി.കാട്ടൂർ, അനിൽകുമാർ എന്നിവരെയും പോലീസിനെയും അറിയിച്ചു. പള്ളിക്കത്തോട് പോലീസ് സ്ഥലത്തെത്തി അരവിന്ദിനെ കസ്റ്റഡിയിലെടുത്തു..