ദുബൈ: ദുബൈ-അബുദാബി റോഡിലുണ്ടായ വാഹനാപകടത്തില് കാസർകോട് സ്വദേശിക്ക് ദാരുണാന്ത്യം. നെല്ലിക്കുന്ന് ബദരിയാ ഹൗസിലെ അയ്യൂബ് അൻസാരി (36) ആണ് മരിച്ചത്
ചൊവ്വാഴ്ച പുലർച്ചെയാണ് അപകടമുണ്ടായത്. ഉച്ചയോടെയാണ് അയ്യൂബ് അൻസാരിയുടെ മരണം സ്ഥിരീകരിച്ചത്.
അബുദാബിയിലെ ഒരു കമ്ബനി ഉടമയുടെ ഡ്രൈവറായി ജോലി ചെയ്തുവരികയായിരുന്നു അയ്യൂബ്. അപകടസമയത്ത് സ്പോണ്സറും വാഹനത്തില് ഉണ്ടായിരുന്നു, അവർക്കും ഗുരുതരമായി പരിക്കേറ്റതായും വിവരമുണ്ട്. മരണവിവരം നാട്ടിലെ ബന്ധുക്കളെ അറിയിച്ചിട്ടുണ്ട്. മൃതദേഹം നാട്ടിലേക്ക് കൊണ്ടുവരാനുള്ള ഒരുക്കങ്ങള് നടന്നുവരികയാണ്. പുതിയൊരു വ്യാപാര സ്ഥാപനം തുടങ്ങാനുള്ള ഒരുക്കത്തിലായിരുന്നു സ്പോണ്സർ.
നെല്ലിക്കുന്നിലെ പി.എം. അബുല് ഖാദറിന്റെയും നഫീസയുടെയും മകനാണ് അയ്യൂബ് അൻസാരി. ഫാത്തിമത്ത് തസ്നിയാണ് ഭാര്യ. മുഹമ്മദ് ആലിം, ആയിഷ ആസ്ഹ എന്നിവർ മക്കളാണ്. സഹോദരങ്ങള്:മഹമൂദ്, ഹമീദ്, നാസർ, ബഷീർ, ശമീമ, പരേതനായ റഫീഖ്.
ദുബായിലെ റോഡ് സുരക്ഷയെക്കുറിച്ച് നിങ്ങള്ക്കെന്ത് പറയാനുണ്ട്? നിങ്ങളുടെ അഭിപ്രായം പങ്കുവെക്കുക.