പാലക്കാട്: ഓങ്ങല്ലൂരില് (Ongallur) ബസും സ്കൂട്ടറും കൂട്ടിയിടിച്ച് സ്കൂട്ടര് യാത്രികനായ യുവാവ് മരിച്ചു.
വാണിയംകുളം പുലാച്ചിത്ര സ്വദേശി കുന്നക്കാല്ത്തൊടി വീട്ടില് പരേതനായ കൃഷ്ണന്കുട്ടിയുടെ മകന് കിഷോര് (26) ആണു മരിച്ചത്. ഓങ്ങല്ലൂര് പോക്കുപ്പടി മാട് ഇറക്കത്തില് ചൊവ്വാഴ്ച ഉച്ചയ്ക്ക് 12 മണിയോടെയാണ് അപകടം നടന്നത്. വാണിയംകുളത്തുനിന്ന് പട്ടാമ്ബിയിലേക്ക് വരികയായിരുന്ന കിഷോര് സഞ്ചരിച്ചിരുന്ന ബൈക്കില് എതിരേവന്ന ബസ് ഇടിക്കുകയായിരുന്നു.
റോഡിലേക്ക് തെറിച്ചുവീണ കിഷോറിന്റെ തലയിലൂടെ ബസിന്റെ ചക്രങ്ങള് കയറിയിറങ്ങി. ഓടിക്കൂടിയ നാട്ടുകാര് ഉടന് പട്ടാമ്ബിയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പട്ടാമ്ബി പൊലീസ് ഇന്ക്വസ്റ്റ് നടത്തി. ഷൊര്ണൂരില്നിന്ന് അഗ്നിരക്ഷാസേനാ യൂണിറ്റും എത്തിയിരുന്നു. പട്ടാമ്ബിയിലെ സ്വകാര്യ ലാബിലെ ജീവനക്കാരനാണ് കിഷോര്.