മക്കളെ നദിയിലേക്ക് എറിഞ്ഞു.. അച്ഛനും ചാടി.. മക്കളുടെ മൃതദേഹം കിട്ടി… ….
ആലുവ: ആലുവ മേൽപാലത്തിൽ മക്കളെ പെരിയാർ നദിയിലേക്ക് എറിഞ്ഞ ശേഷം അച്ഛനും ഒപ്പം ചാടി. പതിമൂന്നും പതിനാറും വയസ്സുള്ള മക്കളുമായാണ് പിതാവ് നദിയിലേക്ക് ചാടിയത് എന്നാണ് പ്രാഥമിക വിവരം. ആലുവ മണപ്പുറം പാലത്തിൽ നിന്നാണ് അച്ഛൻ മക്കളെ പുഴയിലേക്ക് എറിഞ്ഞത്. സംഭവം കണ്ടവർ ഉടൻ നടത്തിയ രക്ഷാപ്രവർത്തനത്തിൽ മക്കളെ ജീവനോടെ കണ്ടെത്തി. ഇവരെ ഉടൻ ആശുപത്രിയിലേക്ക് മാറ്റി. എന്നാൽ ജീവൻ രക്ഷിക്കാനായില്ല. പെൺകുട്ടി ജില്ലാ ആശുപത്രിയിലും ആൺകുട്ടി സ്വകാര്യ ആശുപത്രിയിലും വെച്ച് മരിച്ചു.
പാലാരിവട്ടം സ്വദേശി ഉല്ലാസ് ഹരിഹരന് മക്കളായ ഏകനാഥ്, കൃഷ്ണപ്രിയ എന്നിവരാണ് മരിച്ചത്. ഏകനാഥ് ഏഴാം ക്ലാസ് വിദ്യാര്ഥിയാണ് കൃഷ്ണപ്രിയ പ്ലസ് വണ് വിദ്യാര്ഥിനിയും.
ശനിയാഴ്ച വൈകുന്നേരം നാലരയോടെയാണ് സംഭവം. ആലുവ മണപ്പുറത്തേക്കുള്ള നടപ്പാലത്തിന് മുകളില് കയറിയ ശേഷം പിതാവ് കുട്ടികളെ പെരിയാറിലേക്ക് എറിയുകയായിരുന്നു. ആദ്യം ഏകനാഥിനെയാണ് പുഴയിലേക്ക് ഇട്ടത്. ഈ സമയം പാലത്തില് കരഞ്ഞുകൊണ്ടിരിക്കുകയായിരുന്ന കൃഷ്ണപ്രിയേയും ഇയാള് വെള്ളത്തിലേക്ക് എറിഞ്ഞു.
പിന്നാലെ ഉല്ലാസും പുഴയിലേക്ക് ചാടി. പരിസരത്തുണ്ടായിരുന്ന ആളുകള് രക്ഷിക്കാന് ശ്രമിച്ചെങ്കിലും മൂന്നു പേരും മരിച്ചു. ഫയര്ഫോഴ്സും സ്കൂബാ ഡൈവിംഗ് വിദഗ്ധരും എത്തിയാണ് മൃതദേഹം പുറത്തെടുത്തത്. മൂവരും സ്കൂട്ടറിലാണ് ഈ ഭാഗത്തേക്ക് എത്തിയത്. ഇടപ്പള്ളി പള്ളിയില് പോകുകയാണെന്ന് പറഞ്ഞാണ് ഉല്ലാസ് മക്കളുമായി പോയതെന്ന് ഭാര്യ പറയുന്നു.