തൃശ്ശൂർ കയ്പമംഗലം: വീടിനകത്ത് ഉറങ്ങിക്കിടന്ന നാല് വയസ്സുകാരി ഉള്‍പ്പെടെ മൂന്നുപേര്‍ക്ക് പാമ്ബുകടിയേറ്റു.
ചളിങ്ങാട് സ്വദേശി പുതൂര് പറമ്ബില്‍ റസാഖ്, ഭാര്യ ഷഫ്‌ന, മകള്‍ സഫറ ഫാത്തിമ എന്നിവര്‍ക്കാണ് കടിയേറ്റത്. റസാഖിനും ഷഫ്‌നക്കും കൈയിലും സഫറ ഫാത്തിമക്ക് കാലിലുമാണ് കടിയേറ്റത്. ഇവരെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ബുധനാഴ്ച പുലര്‍ച്ച നാലോടെയാണ് സംഭവം. മുറിക്കകത്ത് ഇഴഞ്ഞുകയറിയ പാമ്ബ് ആദ്യം ഷഫ്നയെയാണ് കടിച്ചത്. ഇവര്‍ കൈകുടഞ്ഞു. തുടര്‍ന്നാണ് മറ്റു രണ്ടുപേര്‍ക്കും കടിയേറ്റതെന്ന് അയല്‍വാസികള്‍ പറഞ്ഞു. കഴിഞ്ഞദിവസം പ്രദേശത്തെ മറ്റൊരു സ്ത്രീക്കും പാമ്ബുകടിയേറ്റിരുന്നു.