തിരുവനന്തപുരം കഴക്കൂട്ടം: കാറും ബൈക്കും കൂട്ടിയിടിച്ചുണ്ടായ അപകടത്തില് യുവാവ് മരിച്ചു. വെഞ്ഞാറമൂട് ആലിയാട് മുളയം കണ്ണന് നിവാസില് തുളസീധരന്റെയും ഗിരിജയുടേയും മകന് വിഷ്ണു (24) ആണ് മരിച്ചത്.
കഴക്കൂട്ടം സൈനിക സ്ക്കൂളിനു സമീപം ഇന്നലെ രാത്രി 9 നാണ് അപകടം നടന്നത്. അമിത വേഗതയിലെത്തിയ ബൈക്ക് എതിര് വശത്തുകൂടി വരികയായിരുന്ന കാറില് ഇടിച്ചു കയറുകയായിരുന്നു. ഇടിയുടെ ആഘാതത്തില് ഗുരുതരമായ പരിക്കേറ്റ വിഷ്ണുവിനെ ഉടന് തന്നെ ആശുപത്രിയില് എത്തിച്ചെങ്കിലും മരിക്കുകയായിരുന്നു.
പൊലീസ് നടപടികള്ക്ക് ശേഷം മൃതദേഹം പോസ്റ്റ്മോര്ട്ടത്തിനായി ആശുപത്രി മോര്ച്ചറിയിലേക്ക് മാറ്റി. സംസ്കാരം പിന്നീട് നടക്കും.
Tags:
Accident