കൊല്ലം ചവറ : ദേശീയപാതയില് നീണ്ടകരയില് കാറുകള് കൂട്ടിയിടിച്ച് 7പേര്ക്ക് പരിക്കേറ്റു.
കാറിലുണ്ടായിരുന്ന ഓച്ചിറ മേമന മഹാലക്ഷ്മി കിഴക്കതില് മുകേഷ്, ഭാര്യ ഉത്തര, പിതാവ് മുരളി, അമ്മ സജിനി, മുകേഷിന്റെ ബന്ധുവത്സല, കല്ലമ്ബലം അട്ടറക്കോണം സ്വദേശികളായ ആസിഫ് മണ്സിലില് ആസിഫ്, ജമീല എന്നിവര്ക്കാണ് പരിക്ക് പറ്റിയത്. ആരുടെയും പരിക്ക് ഗുരുതരമല്ല. ഇന്നലെ വൈകുന്നേരം നീണ്ടകര പുത്തന്തുറ ബേക്കറി ജംഗ്ഷന് സമീപത്തായിരുന്നു അപകടം. യാത്രക്കാരെ കയറ്റാനായി സ്വകാര്യ ബസ് നിര്ത്തിയിട്ടിരിക്കുകയായിരുന്നു.
പിന്നാലെ വന്ന ആംബുലന്സും ബസിന് പിന്നില് നിര്ത്തി. ഈ സമയം കൊല്ലത്ത് നിന്ന് കരുനാഗപ്പള്ളിയിലേക്ക് പോവുകയായിരുന്ന ആസിഫ് ഓടിച്ച കാര്, എതിരെ വന്ന മുകേഷിന്റെ കാറുമായി കൂട്ടിയിടിക്കുകയായിരുന്നു. ആഘാതത്തില് കാറുകള് നിയന്ത്രണം വിട്ട് ആംബുലന്സിലിടിച്ചതാണ് അപകടകാരണം. ഉടന് തന്നെ നാട്ടുകാര് പരിക്കേറ്റവരെ നീണ്ടകര താലൂക്കാശുപത്രിയിലെത്തിച്ചു.