മലപ്പുറം കരുവാരകുണ്ട് കേരളാംകുണ്ടിനു സമീപമുണ്ടായ മലവെള്ളപ്പാച്ചിലില്പ്പെട്ട് ആലപ്പുഴ സ്വദേശിയായ പിജി വിദ്യാര്ഥിനി മരിച്ചു.
അരൂര് ചന്തിരൂര് മുളക്കല്പറന്പില് സുരേന്ദ്രന്റെ മകള് വര്ഷ (24) ആണ് മരിച്ചത്. കരുവാരക്കുണ്ട് മഞ്ഞളാംചോലയില് ഇന്നലെ വൈകുന്നേരമായിരുന്നു സംഭവം.
വര്ഷയും കുടുംബവും ഞായറാഴ്ചയാണ് കല്ക്കുണ്ട്ചേരിയിലെ ബന്ധുവീട്ടില് എത്തിയത്. ഇന്നലെ വൈകിട്ട് കുടുംബാംഗങ്ങളുമൊത്ത് മഞ്ഞളാംചോലയ്ക്ക് സമീപത്തെ കൃഷിയിടം സന്ദര്ശിച്ച് മടങ്ങവെ ചോലയില് കുളിക്കാനിറങ്ങിയപ്പോള് മലവെള്ളപ്പാച്ചിലില് പെടുകയായിരുന്നു. കുട്ടികളടക്കമുള്ള മറ്റുള്ളവര് രക്ഷപ്പെട്ടെങ്കിലും ആര്ഷ പാറക്കല്ലുകളും വെള്ളച്ചാട്ടങ്ങളും നിറഞ്ഞ ചോലയിലൂടെ ഒന്നര കിലോമീറ്ററോളം ഒഴുകിപ്പോയി
. നാട്ടുകാര് നടത്തിയ തെരച്ചിലില് കല്ക്കുണ്ട് പള്ളിക്ക് പിന്ഭാഗത്ത് ചോലയില് നിന്നാണ് വര്ഷയെ കണ്ടെത്തിയത്. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. രാത്രിയോടെ മൃതദേഹം മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റി. അമ്മ: സുശീല. സഹോദരി: ആഗ്ര.
ആക്സിഡന്റ് റെസ്ക്യൂ 24×7
എമർജൻസി ഹെല്പ് ലൈൻ 9526222277