കണ്ണൂർ ഇരുട്ടി ഗോണിക്കുപ്പ - മൈസൂര് ഹൈവേയില് തിത്തുമത്തിയില് കാര് നിയന്ത്രണം വിട്ട് മറിഞ്ഞുണ്ടായ അപകടത്തില് ഒരു കുടുംബത്തിലെ ആറ് പേര്ക്ക് പരിക്ക്.
സാരമായി പരിക്കേറ്റ പാനൂര് മുത്താറി പീടിക സ്വദേശികളായ പൂവത്തും ചാലില് ഹൗസില് റഷീദ് (55), ഭാര്യ സുഹറ (44) എന്നിവരെ കണ്ണൂര് മിംസ് ആശുപത്രിയിലും ഇവരുടെ ബന്ധുവായ ചെണ്ടയാട് ദാറുസലാമില് നസീമ (35), മക്കളായ സയ്യാന് (13), സായിന് (11), സെനു(4) എന്നിവരെ തലശ്ശേരി സഹകരണ ആശുപത്രിയിലും പ്രവേശിപ്പിച്ചു. ശനിയാഴ്ച രാവിലെ 9 മണിയോടെയായിരുന്നു അപകടം. കാര് പൂര്ണ്ണമായും തകര്ന്നു. സമീപത്തെ താമസക്കാരും വഴിയാത്രക്കാരുമാണ് കാറില് കുടുങ്ങിയവരെ ഇരിട്ടിയിലെ സ്വകാര്യ ആശുപത്രിയില് എത്തിച്ചത്. പിന്നീട് ഇവരെ കണ്ണൂര്, തലശ്ശേരി ആശുപത്രികളിലേക്ക് മാറ്റുകയായിരുന്നു.