കൊല്ലം: ബൈക്ക് വാനുമായി കൂട്ടിയിടിച്ച് രണ്ട് യുവാക്കൾ മരിച്ചു. ചടയമംഗലം കോട്ടുക്കൽ ലൈലാമൻസിലിൽ നൗഫൽ (24), കോട്ടുക്കൽ ബിസ് വില്ലയിൽ ബദറുദീന്റെ മകൻ അൽഅമീൻ (21) എന്നിവരാണ് മരിച്ചത്.
ചടയമംഗലം പള്ളിക്കൽ റോഡിൽ മാടൻനട ജംഗ്ഷനിൽ ഇന്നലെ രാത്രി ഒമ്പതോടെയാണ് അപകടം നടന്നത്. പരിക്കേറ്റ നൗഫലിനെ കടയ്ക്കൽ താലൂക്ക് ആശുപത്രിയിലും അൽഅമീനെ തിരുവനന്തപുരം മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സംഭവവുമായി ബന്ധപ്പെട്ട് വാനിന്റെ ഡ്രൈവർ കടയ്ക്കൽ സ്വദേശി സാവിത്തിനെ ചടയമംഗലം പൊലീസ് കസ്റ്റഡിയിലെടുത്തു. ഇയാൾ മദ്യലഹരിയിലാണ് വാഹനം ഓടിച്ചതെന്ന് വൈദ്യപരിശോധനയിൽ വ്യക്തമായതായി പൊലീസ് പറഞ്ഞു. 304 വകുപ്പ് പ്രകാരമാണ് പൊലീസ് കേസെടുത്തത്. യുവാക്കൾ വർക്കല ബീച്ചിൽ പോയിട്ട് മടങ്ങിവരവെയാണ് അപകടം നടന്നത്. അൽഅമീന്റെ മൃതദേഹം തിരുവനന്തപുരം മെഡിക്കൽ കോളജ് ആശുപതി മോർച്ചറിയിലും നൗഫലിന്റെ കടയ്ക്കൽ താലൂക്ക് ആശുപത്രി മോർച്ചറിയിലും സൂക്ഷിച്ചിരിക്കുകയാണ്.