കോഴിക്കോട്താമരശ്ശേരിയിൽ അപകടം കാറിന് പിന്നിൽ കെഎസ്ആർടിസി ബസ് ഇടിച്ച് യുവതിക്ക് പരിക്ക്.അയ്യപ്പഭക്തർ സഞ്ചരിച്ച കാറാണ് അപകടത്തിൽപ്പെട്ടത്. വയനാട് സുൽത്താൻബത്തേരി തട്ടയാട് സ്വദേശി വിജേഷിന്റെ ഭാര്യ ദിവ്യ(32)ക്കാണ് പരിക്കേറ്റത്.
താമരശ്ശേരി പോലീസ് സ്റ്റേഷൻ സമീപം ഉച്ചയ്ക്ക് 12.45 ഓടെയായിരുന്നു അപകടം. ഗതാഗതക്കുരുക്ക് കാരണം നിർത്തിയ കാറിന് പിന്നിൽ കെഎസ്ആർടിസി ബസ് ഇടിക്കുകയായിരുന്നു. ഇതോടെ മുന്നോട്ടു നീങ്ങിയ കാർ ലോറിക്ക് പിന്നിലും ഇടിച്ചു. പരിക്കേറ്റ ദിവ്യയെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു.