കോഴിക്കോട് : വടകര -മാഹി കനാലിൽ സ്ത്രീയുടെ അജ്ഞാതമൃതദേഹം കണ്ടെത്തി. മാഹി കനാലിൽ തോടന്നൂർ കവുന്തൻ നടപാലത്തിനടുത്താണ് സ്ത്രീയുടെ മൃതദേഹം കണ്ടെത്തിയത് . മൃതദേഹം അഴുകിയ നിലയിലാണ്. മുഖം വ്യക്തമല്ല, നൈറ്റിയാണ് വേഷം. തലയിൽ വെള്ള തോർത്ത് കൊണ്ട് കെട്ടിയിട്ടുണ്ട്. ഇടത് കൈയിൽ കറുപ്പും കാവിയും ചരട് കെട്ടിയിട്ടുണ്ട്. വടകര പോലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചിട്ടുണ്ട് . മൃതദേഹം വടകര ജില്ല ആശുപത്രിയിലേക്ക് മാറ്റി