മലപ്പുറം കൊണ്ടോട്ടി: ഷാർജയിലുണ്ടായ വാഹനാപകടത്തിൽ കൊണ്ടോട്ടി മൊറയൂർ ചെമ്പ്രീരി സ്വദേശി മരണപ്പെട്ടു. മൊറയൂർ ചെമ്പ്രീരി അബ്ദുറഹീം - കദീജ ദമ്പതികളുടെ മകൻ അബ്ദുൽ വാജിദ് (32) ആണ് മരിച്ചത്.
അബുദാബിയിൽ മെക്കാനിക്കൽ എൻജിനീയറായി ജോലി ചെയ്തുവരികയായിരുന്നു അദ്ദേഹം. ജോലി ആവശ്യത്തിനായി കാറിൽ യാത്ര ചെയ്യവെ മറ്റൊരു വാഹനവുമായി ഇടിച്ചാണ് അപകടമുണ്ടായത്. അപകടസമയത്ത് കാറിൽ അദ്ദേഹം മാത്രമാണ് ഉണ്ടായിരുന്നത്.
അരീക്കോട് കൊല്ലത്തൊടി ഷാക്കിറിന്റെ മകൾ സനയാണ് ഭാര്യ. മക്കൾ: ഹെയ്‌സ്, മിറ. സഹോദരങ്ങൾ: അബ്ദുൽ വാസിഹ്, അബ്ദുൽ വാഹിദ് ഫസീല, അബ്ദുൽ വാരിസ്.