ബീഹാർ തലസ്ഥാനമായ പട്നയിലെ ഷാജഹാൻപൂർ പോലീസ് സ്റ്റേഷൻ പരിധിയിലുള്ള അള്ട്രാടെക് സിമന്റ് ഫാക്ടറിക്ക് സമീപം ശനിയാഴ്ച രാവിലെ ട്രക്കും ഓട്ടോയും കൂട്ടിയിടിച്ചുണ്ടായ അപകടത്തില് എട്ട് പേർ സംഭവസ്ഥലത്ത് തന്നെ മരിച്ചു, നാല് പേർക്ക് ഗുരുതരമായി പരിക്കേറ്റു.
കൂട്ടിയിടിയുടെ ആഘാതത്തില് ഓട്ടോ കഷണങ്ങളായി തകർന്നു. വിവരം അനുസരിച്ച് ഇവരെല്ലാം ഒരു ഓട്ടോയില് കയറി ഗംഗാ നദിയില് കുളിക്കാൻ ഫത്തുഹയിലേക്ക് പോകുകയായിരുന്നു. മരിച്ചവരെല്ലാം നളന്ദ ജില്ലയിലെ ഹില്സ പോലീസ് സ്റ്റേഷൻ പരിധിയിലുള്ള മാളവ ഗ്രാമത്തിലെ താമസക്കാരാണ്. പരിക്കേറ്റ എല്ലാവരെയും ഉടൻ തന്നെ പട്നയിലേക്ക് റഫർ ചെയ്തതായി റൂറല് എസ്പി പറഞ്ഞു.
കൂട്ടിയിടിയുടെ ആഘാതത്തില് ഓട്ടോ പൂർണമായും തകർന്നു. നിരവധി മൃതദേഹങ്ങള് റോഡില് ചിതറിക്കിടക്കുകയായിരുന്നു. സമീപത്ത് നിന്നിരുന്ന ആളുകള് വിവരം അറിയിച്ചതിനെ തുടർന്ന് പട്നയിലെ ഷാജഹാൻപൂർ പോലീസ് സ്ഥലത്തെത്തി മൃതദേഹങ്ങള് കണ്ടെടുത്ത് പോസ്റ്റ്മോർട്ടത്തിന് അയച്ചു. പരിക്കേറ്റ നാല് യാത്രക്കാരെ അടുത്തുള്ള ആശുപത്രിയിലും പ്രവേശിപ്പിച്ചു.
ട്രക്ക് അമിത വേഗതയില് വരികയായിരുന്നെന്നും ഡ്രൈവർക്ക് വാഹനത്തിന്റെ നിയന്ത്രണം നഷ്ടപ്പെട്ടുവെന്നും തുടർന്ന് ഓട്ടോയില് നേരിട്ട് ഇടിച്ചാണ് അപകടമുണ്ടായതെന്നും നാട്ടുകാർ പറഞ്ഞു.