പത്തനംതിട്ട: രാത്രിയുണ്ടായ അപകടത്തില് പരിക്കേറ്റ് ആരും കാണാതെ റബര് തോട്ടത്തില് കിടന്ന യുവാവിന് ദാരുണാന്ത്യം
സിജോ സഞ്ചരിച്ചിരുന്ന ബൈക്ക് റോഡിന് സമീപത്തെ റബര് തോട്ടത്തിലേക്ക് മറിഞ്ഞാണ് അപകടമുണ്ടായത്. ഞായറാഴ്ച രാത്രി പത്തിനും പന്ത്രണ്ടിനും ഇടയിലാകാം അപകടമെന്നാണ് പൊലീസിന്റെ നിഗമനം. വീട്ടുകാര് പലതവണ ഫോണില് വിളിച്ചിട്ടും ലഭിക്കാത്തതിനെത്തുടര്ന്ന് പൊലീസില് പരാതി നല്കി. തുടര്ന്ന് നടത്തിയ പരിശോധനയില് പുലര്ച്ചെ മൂന്ന് മണിയോടെ റോഡിന് സമീപത്തെ റബര് തോട്ടത്തില് പരിക്കേറ്റ് അബോധാവസ്ഥയിലായ നിലയില് പൊലീസ് കണ്ടെത്തുകയായിരുന്നു.
എറണാകുളത്ത് സ്വകാര്യ സ്ഥാപനത്തിലെ എന്ജിനീയര് ആയി ജോലിനോക്കുകയായിരുന്നു. ജോലിസ്ഥലത്തുനിന്ന് വീട്ടിലേക്ക് മടങ്ങുന്നതിനിടെയാണ് അപകടം. സംസ്കാരം പിന്നീട്. അവിവാഹിതനാണ്. അമ്മ: അക്കാമ്മ ജോസഫ്, സഹോദരങ്ങള്: ജുബിന് ജോസഫ്, ജൂലി മറിയം ജോസഫ്