മലപ്പുറം
കോഡൂര്‍ ഒറ്റത്തറയില്‍ അഞ്ചാം ക്ലാസുകാരന്‍ കുളത്തില്‍ മുങ്ങി മരിച്ചു. ഒറ്റത്തറ സ്വദേശി വില്ലന്‍ അബ്ദുല്‍ മുനീറിന്‍റെ മകന്‍ മുഹമ്മദ് ഹാസിര്‍(11)ആണ് വീടിനടുത്തെ പഞ്ചായത്ത് കുളത്തില്‍ മുങ്ങി മരിച്ചത്.
ചെമ്മങ്കടവ് ജിഎംയുപി സ്കൂള്‍ വിദ്യാര്‍ഥിയായിരുന്നു. സ്കൂള്‍ വിട്ട് വന്ന് വൈകുന്നേരം കുളത്തില്‍ കുളിക്കാന്‍ പോയതായിരുന്നു. കൂട്ടുകാരനെ വിളിച്ചപ്പോള്‍ ഇല്ലെന്ന് പറഞ്ഞതോടെ തനിച്ചാണു കുളിക്കാന്‍ പോയത്. വൈകുന്നേരം മദ്രസയില്‍ പോകാന്‍ സമയത്തും കുട്ടി തിരിച്ചുവരാത്തതിനാല്‍ മാതാവ് അന്വേഷിച്ചപ്പോഴാണ് വൈകിട്ട് 5.30ഓടെയാണ് കുളത്തില്‍ മരിച്ചനിലയില്‍ മൃതദേഹം കണ്ടത്. മാതാവ്: റസീന. സഹോദരന്മാര്‍: മുഹമ്മദ് ഹാദി, മുഹമ്മദ് ഹനാന്‍. മൃതദേഹം ആദ്യം മലപ്പുറം താലൂക്ക് ആശുപത്രിയിലേക്കും തുടര്‍ന്ന് മഞ്ചേരി മെഡിക്കല്‍ കോളജിലേക്കും മാറ്റി. പോസ്റ്റുമോര്‍ട്ടത്തിന് ശേഷം ഇന്ന് ഒറ്റത്തറ ജുമാ മസ്ജിദില്‍ മറവ് ചെയ്യും.