തിരുവനന്തപുരം ബാലരാമപുരം: കാര് ഇടിച്ച് സ്കൂട്ടര് യാത്രികനായ പാവുണക്ക് തൊഴിലാളി മരിച്ചു. ഇന്നലെ പുലര്ച്ചെ അഞ്ചിന് ദേശീയപാതയില് ബാലരാമപുരം ജംഗ്ഷന് സമീപം നെയ്യാറ്റിന്കര ബസ് സ്റ്റോപ്പിനടുത്തുണ്ടായ അപകടത്തില് ബാലരാമപുരം കല്ലമ്ബലം പഴയ റോഡില് അന്തിയൂര് വെട്ടുവിളാകം വീട്ടില് വാടകയ്ക്ക് താമസിക്കുന്ന എച്ച്.മുഹമ്മദ് റിഫായി (62) ആണ് മരിച്ചത്.
പുലര്ച്ചെ ജോലിക്ക് പോകവെ കളിയിക്കാവിളയില് നിന്നും ചാലയിലേക്ക് വരികയായിരുന്ന കാറിടിച്ചായിരുന്നു അപകടം. ചാലയില് പച്ചക്കറികട നടത്തുന്ന കളിയിക്കാവിള കോഴിവിള രാഹുല്ഭവനില് രാഹുലാണ് കാറോടിച്ചിരുന്നത്. അപകടത്തില്പ്പെട്ട കാറില് തന്നെ തിരുവനന്തപുരത്തെ സ്വകാര്യാശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.