കോട്ടയം കറുകച്ചാല്: സ്കൂട്ടറിനു പിന്നില് കാറിടിച്ച് ദമ്ബതികള്ക്കു പരിക്കേറ്റു. ചമ്ബക്കര തൈപ്പറമ്ബില് സുജാത (55) ഭര്ത്താവ് ഹരിദാസ് (64) എന്നിവര്ക്കാണ് പരിക്കേറ്റത്.
ചൊവ്വാഴ്ച ഒന്നരയ്ക്ക് വാഴൂര് റോഡില് അണിയറപ്പടിക്കു സമീപമായിരുന്നു അപകടം നടന്നത്. കറുകച്ചാലില് നിന്നു ചമ്ബക്കരയിലേക്ക് പോകുമ്ബോള് ഇവര് സഞ്ചരിച്ച സ്കൂട്ടറിനു പിന്നില് കാറിടിക്കുകയായിരുന്നു. റോഡിലേക്കു തെറിച്ചു വീണ സുജാതയുടെ തലയ്ക്കും കാലിനും ആണ് പരിക്കേറ്റത്. ഹരിദാസിനും പരിക്കുണ്ട്.
ഉടന് തന്നെ നാട്ടുകാര് ചേര്ന്ന് കറുകച്ചാലിലെ സ്വകാര്യാശുപത്രിയിലും തുടര്ന്ന്, കോട്ടയത്തെ ആശുപത്രിയിലും പ്രവേശിപ്പിച്ചു. ഇവരുടെ നില ഗുരുതരമല്ലെന്ന് ആശുപത്രി അധികൃതര് അറിയിച്ചു.