ഹരിപ്പാട് :കാണാതായ ഗൃഹനാഥന്റെ മൃതദേഹം വെള്ളക്കെട്ടിൽ കണ്ടെത്തി. കാർത്തികപ്പള്ളി മഹാദേവി അജ്മൽ നിവാസിൽ പ്രസാദിന്റെ (54) മൃതദേഹമാണ് ഇന്നലെ ഉച്ചയോടെ കുടുംബ വീടിന് സമീപത്തുള്ള വെള്ളക്കെട്ടിൽ കണ്ടെത്തിയത്.
കഴിഞ്ഞ തിങ്കളാഴ്ച രാത്രി മുതൽ പ്രസാദിനെ കാണാനില്ലായിരുന്നു. പാലക്കാട് ജോലിക്കായി പോകുന്നു എന്നു പറഞ്ഞാണ് തിങ്കളാഴ് രാത്രി വീട്ടിൽ നിന്നും ഇറങ്ങിയതെന്ന് ബന്ധുക്കൾ പൊലീസിന് നൽകിയ പരാതിയിൽ പറയുന്നു.
എന്നാൽ പിന്നീട് വീട്ടുകാർ ഫോണിൽ ബന്ധപ്പെടാൻ ശ്രമിച്ചപ്പോൾ സ്വിച്ച് ഓഫ് ആയിരുന്നു. തുടർന്നാണ് തൃക്കുന്നപ്പുഴ പൊലീസിൽ പരാതി നൽകിയത്.
പൊലീസ് അന്വേഷണം നടന്നു വരുമ്പോഴാണ് മൃതദേഹം കണ്ടെത്തിയത്. പൊലീസ്, ഹരിപ്പാട് അഗ്നിരക്ഷ സേന എന്നിവർ എത്തിയാണ് മൃതദേഹം കരക്ക് എത്തിച്ചത്.
മൃതദേഹം വണ്ടാനം മെഡിക്കൽ കോളേജ് ആശുപത്രി മോർച്ചറിയിൽ. ഭാര്യ: ബീന, മക്കൾ: ആരോമൽ, അജ്മൽ.