കണ്ണൂര് | കണ്ണൂര് റെയില്വെ സ്റ്റേഷന് സമീപം കണ്ണൂര്-ആലപ്പുഴ എക്സിക്യൂട്ടീവിന്റെ രണ്ട് ബോഗികള് പാളം തെറ്റി. ഇന്ന് രാവിലെ 4.40ന് ട്രെയിന് പുറപ്പെടാനായി പ്ലാറ്റ്ഫോമിലേക്ക് എത്തിക്കുമ്പോഴാണ് അപകടമുണ്ടായത്.
ഇതേതുടര്ന്ന് ട്രെയിന് ഒരു മണിക്കൂര് വൈകിയാണ് കണ്ണൂരില്നിന്ന് പുറപ്പെട്ടത്. പ്രധാന പാതയ്ക്ക് സമാന്തരമായുള്ള പാളത്തിലാണ് അപകടം നടന്നത്. അതിനാല് മറ്റു ട്രെയിന് സര്വീസുകളെ ബാധിച്ചില്ല. ട്രെയിന് പ്ലാറ്റ്ഫോമിലേക്ക് കൊണ്ടുവരുന്നതിനിടെ ഏറ്റവും പിന്നിലായുള്ള രണ്ടു ബോഗികളാണ് പാളം തെറ്റിയത്. അപകടം നടക്കുമ്പോള് യാത്രക്കാരുണ്ടായിരുന്നില്ല.
ബോഗികള് പാളം തെറ്റിയപ്പോള് സിഗ്നല് ബോക്സ് ഉള്പ്പെടെ തകര്ന്നു. പാളം തെറ്റിയ രണ്ട് ബോഗികള് വേര്പ്പെടുത്തിയശേഷമാണ ട്രെയിന് യാത്ര ആരംഭിച്ചത്. ബോഗികള് മാറ്റുന്നതിനുള്ള നടപടികള് ആരംഭിച്ചിട്ടുണ്ട്. ട്രെയിന് പാളം തെറ്റിയ സംഭവത്തെക്കുറിച്ചുള്ള കാരണം പരിശോധിച്ചുവരുകയാണെന്നു റെയില്വെ അറിയിച്ചു.