തുറവൂര്‍- തൈക്കാട്ടുശ്ശേരി റോഡിലാണ് സംഭവം നടന്നത്.അനന്ദുവാണ് വാഹനം ഓടിച്ചിരുന്നത്. അച്ഛന്‍ അശോകനും അമ്മ പുഷ്പലതയും വണ്ടിയിലുണ്ടായിരുന്നു. വാഹനത്തില്‍ നിന്നും പ്രത്യേക തരം കരിഞ്ഞ മണം അനുഭവപ്പെട്ട ഉടനെ വാതില്‍ തുറന്ന് മൂവരും പുറത്ത് ചാടിയതിനാല്‍ വന്‍ ദുരന്തം ഒഴിവായി. കാര്‍ ഭൂരിഭാഗവും കത്തിനശിച്ചു. വാഹനത്തിന്റെ മുന്‍ ഭാഗത്ത് നിന്നാണ് തീപിടിച്ചത്. കാറിന് തീപിടിച്ചത് കണ്ട് ഓടിയെത്തിയ നാട്ടുകാരും വിവരമറിഞ്ഞെത്തി അഗ്‌നിരക്ഷാസേനയും ചേര്‍ന്നാണ് തീയണച്ചത്. കുത്തിയതോട് പൊലീസ് എത്തി മേല്‍ നടപടികള്‍ സ്വീകരിച്ചു. തീപിടിക്കാനുള്ള കാരണം ഇത് വരെ വ്യക്തമല്ല. വിശദമായ അന്വേഷണം നടക്കുകയാണെന്ന് ഫയര്‍ഫോഴ്‌സ് അറിയിച്ചു