കല്പറ്റ: മീനങ്ങാടിക്ക് സമീപം മാനിക്കുനിയിൽ ഓട്ടോറിക്ഷ മറിഞ്ഞുണ്ടായ അപകടത്തിൽ ഡ്രൈവർ മരിച്ചു. മാനിക്കുനിയിൽ അങ്ങാടിയിൽ ഓട്ടോറിക്ഷ ഡ്രൈവറായ മനോഹരൻ (അപ്പുട്ടൻ-52) ആണ് മരിച്ചത്. കാര്യമ്പാടി-മാനിക്കുനി റോഡിൽ പുളിങ്കണ്ടി എസ്റ്റേറ്റിന് സമീപത്ത് വെച്ചാണ് അപകടമുണ്ടായത്. യാത്രക്കാരെ ഇറക്കിയ ശേഷം തിരികെ വരുന്നതിനിടെ നിയന്ത്രണം വിട്ട് വാഹനം മറിയുകയായിരുന്നു. ഓടിക്കൂടി സമീപവാസികൾ മനോഹരനെ പുറത്തെടുത്ത് കൽപ്പറ്റ ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.