തിരുമംഗലം ദേശീയപാതയിലുണ്ടായ വാഹനാപകടത്തിൽ യുവാവ് മരിച്ചു. കുന്നിക്കോട് വിളക്കുടിക്ക് സമീപമായിരുന്നു സംഭവം. നിയന്ത്രണം വിട്ട ടിപ്പർ ലോറി സ്കൂട്ടറിൽ ഇടിച്ചായിരുന്നു അപകടം. സ്കൂട്ടർ യാത്രികനായ കാവൽപുര സ്വദേശി അഖിൽ മരിച്ചത്. അഖിലിനൊപ്പം യാത്ര ചെയ്ത സുഹൃത്ത് നൗഫലിനും അപകടത്തിൽ പരിക്കേറ്റു.
ടിപ്പർ ലോറിയുടെ ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം. നിയന്ത്രണം വിട്ട ടിപ്പർ ലോറി സ്കോട്ടറിൽ ഇടിച്ച ശേഷം എതിർദിശയിലേക്ക് കയറി ഇലക്ട്രിക് പോസ്റ്റിൽ ഇടിച്ച ശേഷമാണ് നിന്നത്.