ഇടുക്കി രാജാക്കാട്: ബൈസൺവാലി പഴയ ബീവറേജിന് അടുത്ത് ഉള്ള തോട്ടിൽ അജ്ഞാത മൃതദേഹം കണ്ടെത്തി. ഇന്ന് (03-10-25) രാവിലെ സമീപവാസിയായ വീട്ടമ്മ തോട്ടിൽ കുളിയ്ക്കുവാൻ എത്തിയപ്പോഴാണ് മൃതദേഹം ആദ്യം കണ്ടത്. തുടർന്ന് പ്രദേശവാസികളെയും പോലീസിനെയും വിവരമറിയിക്കുകയായിരുന്നു.
തോട്ടിലെ വെള്ളത്തിൽ കമിഴ്ന്നു കിടക്കുന്ന രീതിയിൽ ആണ് മൃതദേഹം. കയ്യിലും കാലുകളിലുമെല്ലാം മുറിവുകൾ ഉണ്ട്. അന്യസംസ്ഥാന തൊഴിലാളി ആണെന്നാണ് പ്രാഥമിക നിഗമനം. വിവരമറിഞ്ഞു രാജാക്കാട് പോലീസ് സ്ഥലത്തു എത്തി. നിലവിൽ മൃതദേഹം തിരിച്ചറിഞ്ഞിട്ടില്ല. സമീപത്തു നിന്നും മൊബൈൽ ഫോണും കണ്ടെത്തിയിട്ടുണ്ട്.