തിരുവനന്തപുരം ആക്കുളം കായലിൽ യുവാവിന്റെ മൃതദേഹം കണ്ടെത്തി. രാവിലെ 10 മണിയോടെയാണ് മൃതദേഹം കണ്ടെത്തിയത്. 30 വയസ്സ് തോന്നിക്കുന്ന പുരുഷൻ്റെ മൃതദേഹമാണ് കണ്ടെത്തിയത്
ഇന്നലെ ആക്കുളം കായലിന്റെ സമീപത്തെ പാലത്തിൽ നിന്ന് ഒരാൾ ചാടിയതായി വിവരം ലഭിച്ചിരുന്നു. സമീപവാസികളാണ് ഇക്കാര്യം പൊലീസിനെയും ഫയർഫോഴ്സിനെയും അറിയിച്ചത്. തുടർന്ന് ചാക്ക ഫയർഫോഴ്സിന്റെ നേതൃത്വത്തിൽ കായലിൽ തിരച്ചിൽ നടത്തിയിരുന്നു.
ഇന്ന് വീണ്ടും പരിശോധന നടത്തിയതോടെയാണ് മൃതദേഹം കണ്ടെത്തിയത്. ഇൻക്വസ്റ്റ് നടപടികൾക്ക് ശേഷം മൃതദേഹം മെഡിക്കൽ കോളജിലേക്ക് മാറ്റി. മരിച്ച ആളെ തിരിച്ചറിയാൻ ആയിട്ടില്ലെന്ന് പൊലീസ് വ്യക്തമാക്കി.