തിരുവനന്തപുരം മെഡിക്കൽ കോളേജിലെ മൾട്ടി സ്പെഷ്യാലിറ്റി ബ്ലോക്കിൽ തീപിടുത്തം. തീപിടുത്തം ഐസിയുവിനുള്ളിലാണ് നടന്നതെന്നാണ് വിവരം. ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം.
തീപിടുത്തം ഉണ്ടായതിനെത്തുടർന്ന് ഐസിയുവിലെ രോഗികളെ സുരക്ഷിതമായി മാറ്റി. അവിടെയുണ്ടായിരുന്ന രോഗികൾ പകർത്തിയ വീഡിയോകളിൽ നിന്ന് വലിയ നിലവിളികളും പരിഭ്രാന്തിയും വ്യക്തമാണ്. കൂടുതൽ ഫയർഫോഴ്സ് യൂണിറ്റുകൾ സ്ഥലത്തെത്തി തീ നിയന്ത്രണ വിധേയമാക്കിയിട്ടുണ്ട്. നിലവിൽ ആർക്കും പരിക്കേറ്റതായി വിവരമില്ല.
