വയനാട് സുൽത്താൻ ബത്തേരി: കോട്ടക്കുന്നിൽ കെഎസ്ആർടിസി ബസ്സും സ്കൂട്ടറും കൂട്ടിയിടിച്ചുണ്ടായ അപകടത്തിൽ പരിക്കേറ്റ് ചികിത്സയിലായിരുന്ന വയോധികൻ മരിച്ചു. അമ്മായിപാലം സ്വദേശി ബിരിയാണി ഹംസ (63) ആണ് മരണപ്പെട്ടത്.
തിങ്കളാഴ്ച ഉച്ചയ്ക്ക് 11.45-ഓടെ സുൽത്താൻ ബത്തേരി കോട്ടക്കുന്നിൽ വെച്ചായിരുന്നു അപകടം നടന്നത്. ഹംസ സഞ്ചരിച്ചിരുന്ന സ്കൂട്ടറിൽ കെഎസ്ആർടിസി ബസ് ഇടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ഇദ്ദേഹത്തെ ഉടൻതന്നെ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
നാട്ടുകാർക്കിടയിൽ 'ബിരിയാണി ഹംസ' എന്ന പേരിൽ സുപരിചിതനായിരുന്നു ഇദ്ദേഹം. പോലീസ് സ്ഥലത്തെത്തി തുടർനടപടികൾ സ്വീകരിച്ചു.