ഇടുക്കി: ഉപ്പുതറയിൽ വീടിനുള്ളിലുണ്ടായ ശക്തമായ പൊട്ടിത്തെറിയിൽ ഗൃഹനാഥന് ഗുരുതരമായി പരിക്കേറ്റു. ഉപ്പുതറ സ്വദേശി എം. അൻസാരിയുടെ വീടിനുള്ളിലാണ് അപകടമുണ്ടായത്. പരിക്കേറ്റ അൻസാരിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. ഇദ്ദേഹത്തിന്റെ ആരോഗ്യനില ഗുരുതരമാണെന്നാണ് പ്രാഥമിക വിവരം.
പൊട്ടിത്തെറി ഉണ്ടായതിന്റെ യഥാർത്ഥ കാരണം ഇതുവരെ വ്യക്തമായിട്ടില്ല. ഗ്യാസ് സിലിണ്ടർ പൊട്ടിത്തെറിച്ചതാണോ അതോ മറ്റെന്തെങ്കിലും വസ്തുക്കളാണോ അപകടത്തിന് പിന്നിലെന്ന് പോലീസ് പരിശോധിച്ചു വരികയാണ്. ഫൊറൻസിക് വിദഗ്ധരും സ്ഥലത്തെത്തി പരിശോധന നടത്തുമെന്നാണ് റിപ്പോർട്ടുകൾ.