തൃശ്ശൂർ: പേരാമംഗലത്ത് നിയന്ത്രണം വിട്ട ഓട്ടോറിക്ഷ മറിഞ്ഞ് ഡ്രൈവർ മരിച്ചു. കുരിയച്ചിറ സ്വദേശി നെല്ലിശ്ശേരി വീട്ടിൽ ഷോബി (56) ആണ് മരിച്ചത്.
ഇന്ന് രാവിലെ തൃശൂർ ശക്തൻ മാർക്കറ്റിൽ നിന്ന് പച്ചക്കറികളുമായി കൈപറമ്പിലേക്ക് പോകുന്നതിനിടെയായിരുന്നു അപകടം. പേരാമംഗലത്ത് വെച്ച് ഓട്ടോറിക്ഷയുടെ നിയന്ത്രണം നഷ്ടപ്പെട്ട് മറിയുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
