സാമ്ബത്തിക ഇടപാട് കേസിലെ പ്രതി സുഹൃത്തിന്റെ വീട്ടിലെ കിടപ്പുമുറിയില് തൂങ്ങിമരിച്ച നിലയില് കണ്ടെത്തി
ആലപ്പുഴ തിരുമല വാര്ഡ് പുത്തന്പുരക്കല് ആന്റണിയുടെ മകന് റിക്സണ് മൈക്കിള് (35) ആണ് മരിച്ചത്. ചേര്ത്തല നഗരസഭ 11–-ാം വാര്ഡ് സിന്സാസ് സന്തുവിന്റെ വീട്ടിലാണ് മരിച്ചതായി കണ്ടത്. ഒരുമാസത്തോളമായി റിക്സണ് ഇവിടെയാണ് താമസം. തിങ്കള് രാവിലെയാണ് മൃതദേഹം കണ്ടത്.
റിക്സണെ കഴിഞ്ഞദിവസം ഏതാനുംപേര് ഭീഷണിപ്പെടുത്തിയതായി ബന്ധുക്കള് പറയുന്നു. ഓഹരി വിപണിയുമായി ബന്ധപ്പെട്ട ബിസിനസായിരുന്നു. ഇതുമായി ബന്ധപ്പെട്ട കേസില് റിമാന്ഡില് കഴിഞ്ഞിരുന്നു . മൃതദേഹം ആലപ്പുഴ മെഡിക്കല് കോളേജ് ആശുപത്രി മോര്ച്ചറിയിലേക്ക് മാറ്റി. ചേര്ത്തല പൊലീസ് വിശദാന്വേഷണം തുടങ്ങി.