വടകര: വടകരയില്‍ രണ്ടിടത്തായി ട്രെയിന്‍ തട്ടി രണ്ടുപേര്‍ മരിച്ചനിലയില്‍.
വടകര നഗരസഭ ഓഫിസിന് അടുത്ത് യുവാവ് ട്രയിൻ തട്ടി മരിച്ച നിലയിൽ കണ്ടെത്തി
മുനിസിപ്പല്‍ ഓഫിസിനു സമീപം റെയില്‍വേ ട്രാക്കിലും കൈനാട്ടിയിലുമാണ് അപകടം. വില്യാപ്പള്ളി മയ്യന്നൂര്‍ തൈവെച്ച പറമ്ബത്ത് ലിബീഷ് ആണ് (37) മുനിസിപ്പല്‍ ഓഫിസിനു സമീപം റെയില്‍വേ ട്രാക്കിനുസമീപം മരിച്ചത്. വെള്ളിയാഴ്ച വൈകീട്ടോടെയാണ് സംഭവം. വടകര പൊലീസ് സ്ഥലത്തെത്തി മൃതദേഹം ജില്ല ആശുപത്രി മോര്‍ച്ചറിയിലേക്ക് മാറ്റി. പിതാവ്: ദേവദാസ്. മാതാവ്: പരേതയായ ചന്ദ്രി. സഹോദരന്‍: വിജേഷ്. ചേന്ദമംഗലം മരക്കോത്ത് സത്യന്‍ (55) കൈനാട്ടിയിലാണ് ട്രെയിന്‍ തട്ടി മരിച്ചത്. വെള്ളിയാഴ്ച രാത്രി ഏഴു മണിയോടെയാണ് സംഭവം. കൈനാട്ടി ചോറോട് റെയില്‍വേ ട്രാക്കിലാണ് അപകടമുണ്ടായത്. മൃതദേഹം വടകര പൊലീസ് വടകര ജില്ല ആശുപത്രി മോര്‍ച്ചറിയിലേക്കു മാറ്റി. ഭാര്യ: ജയലക്ഷ്മി. മകന്‍: സഞ്ജു സത്യനാഥന്‍. പിതാവ്: പരേതനായ ശങ്കരന്‍ നായര്‍. മാതാവ്: കമലാക്ഷി.