കൊല്ലം കുന്നത്തൂര് : അമിതവേഗതയിലെത്തിയ ബൈക്കിടിച്ച് ഓട്ടോറിക്ഷ തല കീഴായി മറിഞ്ഞു. മൈനാഗപ്പള്ളി പബ്ളിക് മാര്ക്കറ്റിന് സമീപം ഇന്നലെ വൈകിട്ട് 4.30 നാണ് സംഭവം.
കുറ്റിയില് മുക്കിലെ ഓട്ടോ സ്റ്റാന്ഡിലെ ഓട്ടോ ഡ്രൈവര് അനിയന് തലയ്ക്ക് പരിക്കേറ്റു. ഇയ്യാളെ ശാസ്താംകോട്ടയിലെ സ്വകാര്യ ആശുപത്രിയില് പ്രവേശിപ്പിച്ചു. മൈനാഗപള്ളി സ്വദേശിയായ ശാസ്താംനട സ്കൂളിലെ പ്ലസ്ടു വിദ്യാര്ത്ഥി ഓടിച്ച ബൈക്കാണ് അപകടം സൃഷ്ടിച്ചത്. ബൈക്ക് പൂര്ണമായി തകര്ന്നെങ്കിലും ഓടിച്ച വിദ്യാര്ത്ഥി നിസാര പരിക്കുകളാടെ രക്ഷപ്പെട്ടു. തല കീഴായി മറിഞ്ഞ ഓട്ടോയില് നിന്ന് ഡ്രൈവര് റോഡില് തെറിച്ചു വീണ് റോഡില് തലയിടിച്ചാണ് പരിക്കേറ്റത്. രണ്ട് ബൈക്കുകള് തമ്മില് മത്സരയോട്ടമായിരുന്നുവെന്ന് നാട്ടുകാര് പറയുന്നു: