പൊന്കുന്നം: യാത്രക്കാരെ കയറ്റാന് നിര്ത്തിയ ബസിന്റെ അടിയിലേക്ക് ബൈക്ക് പാഞ്ഞുകയറി യുവാവിന് പരിക്ക്. പൊന്കുന്നം തോണിപ്പാറ കുഴിക്കാട്ടുപറമ്ബില് അജ്മല് ( 24 ) ആണ് അപകടത്തില്പ്പെട്ടത്.
ഹെല്മെറ്റ് ധരിച്ചിരുന്നതിനാല് ചെറിയ പരിക്കുകളോടെ ഇയാള് രക്ഷപ്പെട്ടു.
ഇന്നലെ രാവിലെ 9.15ന് പാലാ-പൊന്കുന്നം റോഡില് ഒന്നാംമൈലിലായിരുന്നു അപകടം നടന്നത്. പൊന്കുന്നത്തു നിന്ന് കൂരാലി വഴി പള്ളിക്കത്തോടിന് പോവുകയായിരുന്ന മേരിമാതാ ബസിനു പിന്നിലേക്ക് ബുള്ളറ്റ് ഇടിച്ച് കയറുകയായിരുന്നു.
ബസിന്റെ പിന്ചക്രങ്ങളിലിടിച്ച ബൈക്ക് ഞെരുങ്ങിയാണ് നിന്നത്. ബെക്കില് നിന്ന് യുവാവ് ബസിനടിയില്പ്പെടാതിരുന്നതിനാല് അപകടം ഒഴിവായി.
ഓടിക്കൂടിയ നാട്ടുകാരും ബസ് ജീവനക്കാരും യാത്രക്കാരും ചേര്ന്ന് ബസ് ജാക്കി വച്ച് ഉയര്ത്തിയാണ് ബൈക്ക് പുറത്തെടുത്തത്. യുവാവ് ആശുപത്രിയില് ചികിത്സയിലാണ്.