ദേശീയപാതയിൽ പെരിഞ്ഞനം സെന്ററിൽ വെച്ചാണ് അപകടമുണ്ടായത്. വാടാനപ്പിള്ളി സ്വദേശി വലിയകത്ത് നൗഫലിന്റെ ഭാര്യ സീനത്തിനാണ് (32) പരിക്ക്, ഇവരെ കയ്പമംഗലം ഹാർട് ബീറ്റ്സ് ആംബുലൻസ് പ്രവർത്തകർ കൊടുങ്ങല്ലൂരിലെ എ.ആർ. ആശുപത്രിയിലെത്തിച്ചിട്ടുണ്ട്. ദേശിയപാത നിർമ്മാണത്തിനായി പിക്കപ്പിൽ കെട്ടിവലിച്ച് കൊണ്ടുപോയിരുന്ന വലിയ ജനറേറ്ററാണ് അപകടമുണ്ടാക്കിയത്. ഇന്ന് വൈകീട്ട് നാലരയോടെയായിരുന്നു അപകടം. പിക്കപ്പ് മറ്റൊരു വാഹനത്തെ മറികടക്കുന്നതിനിടെ യുവതിയുടെ സ്കൂട്ടറിൽ കൊളുത്തിവലിക്കുകയായിരുന്നുവെന്ന് നാട്ടുകാർ പറഞ്ഞു