ത്രിശൂര്‍: കാസര്‍കോട്ടെ വിദ്യാര്‍ഥി നേതാവ് തൃശൂരില്‍ ട്രെയിനിടിച്ച്‌ മരിച്ചു. സുന്നി ബാല വേദി (SBV) ജില്ലാ വൈസ് പ്രസിഡന്റും എം എസ് എഫ് മണ്ഡലം വൈസ് പ്രസിഡന്റുമായ ചെര്‍ക്കള തായല്‍ ഹൗസിലെ ബാസിത് (21) ആണ് മരിച്ചത്.
തൃശൂര്‍ ആളൂര്‍ പൊലീസ് സ്റ്റേഷന്‍ പരിധിയിലാണ് അപകടം നടന്നത്.
സുഹൃത്തുക്കളുമൊത്ത് എറണാകുളം പോയി ട്രെയിനില്‍ മടങ്ങിവരുമ്ബോഴായിരുന്നു സംഭവം. യാത്രയ്ക്കിടെ ചാലക്കുടി ഭാഗത്ത് റെയില്‍ പാളത്തില്‍ മൊബൈല്‍ ഫോണ്‍ തെറിച്ചുവീണതിനെ തുടര്‍ന്ന് ഇവര്‍ തൃശൂരില്‍ ട്രെയിൻ ഇറങ്ങുകയും ചാലക്കുടി ഭാഗത്തേക്ക് പോവുകയും ചെയ്തു.
ഇവിടെ റെയില്‍ പാളത്തില്‍ മൊബൈല്‍ ഫോണിനായി തിരച്ചില്‍ നടത്തുന്നതിനിടെ പിറകില്‍ നിന്നെത്തിയ ട്രെയിൻ ബാസിതിനെ ഇടിക്കുകയായിരുന്നുവെന്നാണ് വിവരം. മൃതദേഹം ഇപ്പോള്‍ ചാലക്കുടി സൈന്റ് ജെയിംസ് ആശുപത്രിയിലാണുള്ളത്. പോസ്റ്റ് മോര്‍ടത്തിനായി
തൃശൂര്‍ മെഡികല്‍ കോളജിലേക്ക് കൊണ്ട് പോകും. എസ് കെ എസ് എഫ് എഫ് ചെര്‍ക്കള മേഖല ട്രഷറര്‍ കൂടിയായ ബാസിത് മത-സാമൂഹ്യ-സാംസ്‌കാരിക മേഖലകളില്‍ സജീവ സാന്നിധ്യമായിരുന്നു. ചട്ടഞ്ചാല്‍ എം ഐ സി കോളജിലെ അവസാനവര്‍ഷ ഡിഗ്രി വിദ്യാര്‍ഥിയാണ്. മുഹമ്മദ്‌ തായല്‍ - ഹസീന ദമ്ബതികളുടെ മകനാണ്. സഹോദരങ്ങള്‍: മിൻശാന, അജ്മല്‍