വയനാട് കുഴിനിലം: കുഴിനിലം ചെക്ക്ഡാമിന് സമീപം വെച്ച് വൈദ്യുതാഘാതമേറ്റ് ഒന്പതാം ക്ലാസ് വിദ്യാര്ത്ഥി മരിച്ചു.കണിയാരം ഫാ.ജികെഎം ഹയര് സെക്കണ്ടറി സ്കൂളിലെ ഒന്പതാം ക്ലാസ് വിദ്യാര്ത്ഥിയും,
കുഴിനിലം അടുവാങ്കുന്ന് കോളനിയിലെ രാജുവിന്റെയും ബിന്ദുവിന്റേയും മകനുമായ അഭിജിത്ത് (14) ആണ് മരിച്ചത്. വൈകുന്നേരം അഞ്ച് മണിയോടെ ചെക്ക് ഡാമിലെ വെള്ളക്കെട്ടില് മീന്പിടിക്കുന്നതിനിടയിലാണ് വൈദ്യുതാഘാതമേറ്റതെന്നാണ് സൂചന. ഉടന് തന്നെ വയനാട് മെഡിക്കല് കോളേജിലെത്തിച്ചുവെങ്കിലും മരിക്കുകയായിരുന്നു. വൈദ്യുതാഘാതമേല്ക്കാനിടയായ സാഹചര്യത്തെ കുറിച്ച് പോലീസ് അന്വേഷിച്ച് വരികയാണ്. അജിത്ത്, അപ്പു, അമ്മു എന്നിവര് സഹോദരങ്ങളാണ്.