തൃശൂർ മൂർക്കനാട് ക്ഷേത്രക്കുളത്തിൽ കാൽ വഴുതി വീണ് വിദ്യാർത്ഥി മുങ്ങി മരിച്ചു. മുർക്കനാട് ശിവ ക്ഷേത്ര കുളത്തിൽ കാൽ കഴുകാനിറങ്ങിയ പുറത്താട് വലിയവീട്ടിൽ അനിൽകുമാറിന്റെ മകൻ അജിൽക്യഷ്ണയാണ് (16) മരണമടഞ്ഞത്. ഇരിങ്ങാലക്കുട സെന്റ് മേരീസ് സ്കൂളിലെ പ്ലസ് വൺ വിദ്യാർത്ഥിയായിരുന്നു. വൈകീട്ടായിരുന്നു സംഭവം. കൂട്ടുകാർക്ക് ഒപ്പം കളി കഴിഞ്ഞ് കുളത്തിൽ കാൽ കഴുകാനിറങ്ങിയതായിരുന്നു അജിൽ. കാൽ വഴുതി വീണ് അഖിൽ ക്യഷ്ണയെ കുളത്തിൽ കുളിച്ചു കൊണ്ടിരുന്ന മറ്റുള്ളവർ പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അമ്മ: രാജി. സഹോദരി: അനഘ.