റാന്നി: ഡെലിവറി വാനിടിച്ച് വൈദ്യുതി തൂണ് തകര്ന്നു.മുക്കട- ഇടമണ് - അത്തിക്കയം ശബരിമല പാതയില് പാറേക്കടവിന് സമീപം തൈപ്പറമ്ബില് പടിയില് ഇന്നലെ രാവിലെ 11.30നായിരുന്നു അപകടം
ദിശതെറ്റി അമിത വേഗതയില് വന്ന ശബരിമല തീര്ത്ഥാടകരുടെ ബസില് ഇടിക്കാതിരിക്കാൻ എതിരെ എത്തിയ ഡെലിവറി വാഹനം വെട്ടിച്ചപ്പോളാണ് അപകടം ഉണ്ടായത്.സംഭവത്തില് ആര്ക്കും പരിക്കില്ല.11 കെ.വി ലൈൻ വലിച്ചിരുന്ന വൈദ്യുതി തൂണാണ് ഒടിഞ്ഞു തൂങ്ങിയത്.അപകടത്തിന് പിന്നാലെ വൈദ്യുതി ലൈൻ വാഹനത്തിലും പാതയിലുമായി വീണെങ്കിലും വൈദ്യുതി ബന്ധം വിച്ഛേദിക്കപ്പെട്ടതിനാല് വലിയ ദുരന്തം ഒഴിവായി.മുമ്ബ് ടിപ്പര് ലോറി തട്ടി പാതയിലേക്ക് ചരിഞ്ഞു നിന്നിരുന്ന വൈദ്യുതി തൂണാണ് ഒടിഞ്ഞത്. ഇത് ശരിയാക്കി സ്ഥാപിക്കണമെന്ന ആവശ്യവുമായി നാട്ടുകാര് നിരവധി തവണ വൈദ്യുതി വകുപ്പിനെ സമീപിച്ചിരുന്നു. അപകടത്തിന് ശേഷം വിട്ടു പോകാൻ ശ്രമിച്ച തീര്ത്ഥാടക വാഹനം നാട്ടുകാര് തടഞ്ഞെങ്കിലും പിന്നീട് ഇവരെ പോകാൻ അനുവദിച്ചു.വിവരം അറിഞ്ഞ് വൈദ്യുതി വകുപ്പ് റാന്നി നോര്ത്ത് സെക്ഷനിലെ ജീവനക്കാര് സ്ഥലത്തെത്തി നടപടികള് സ്വീകരിച്ചു.ക്രിസ്മസ് അവധി ആയതോടെ പാതയില് വലിയ തീര്ത്ഥാടക തിരക്കാണ് അനുഭവപ്പെടുന്നത്.ഇവിടെ ഗതാഗത തടസം ഉണ്ടായതിനാല് വാഹനങ്ങള് വഴി തിരിച്ചു വിട്ടു.