ഹരിപ്പാട് : റോഡ് മുറിച്ച് കടന്ന കാല്നടയാത്രക്കാരനെ രക്ഷിക്കുന്നതിനിടയില് നിയന്ത്രണം തെറ്റിയ ഓട്ടോ മരത്തിലിടിച്ച് മൂന്നുപേര്ക്ക് പരിക്കേറ്റു.
എറണാകുളം കലൂര് ഒഴിപ്പറമ്ബില് വീട്ടില് മുഹമ്മദ് ജാഫര് (45) , നജുമുദ്ദീൻ (25 ) ,ഓട്ടോ ഡ്രൈവര് തൃക്കുന്നപ്പുഴ സ്വദേശി അഖില് (30) എന്നിവര്ക്കാണ് പരിക്കേറ്റത്. തൃക്കുന്നപ്പുഴ ജംഗ്ഷന് കിഴക്ക് കെ.ടി.ഡി.സി പാര്ലറിന് സമീപം ഇന്നലെ വൈകിട്ട് 7നായിരുന്നു അപകടം. പരിക്കേറ്റവരെ ഉടൻതന്നെ ഹരിപ്പാട് താലൂക്ക് ആശുപത്രിയില് എത്തിച്ചു. ഗുരുതരമായി പരിക്കേറ്റ മുഹമ്മദ് ജാഫറിനെ പിന്നീട് മെഡിക്കല് കോളേജ് ആശുപത്രിയിലേക്ക് മാറ്റി