കൊല്ലം: പോലീസ് ഉദ്യോഗസ്ഥനെ ലോഡ്ജിൽ തൂങ്ങിമരിച്ച നിലയിൽ കണ്ടെത്തി. മുഖത്തല കീഴവൂര് സ്മിത മന്ദിരത്തില് എ.സിജു (37) വാണ് മരിച്ചത്. പൂയപ്പള്ളി പോലീസ് സ്റ്റേഷനിലെ ഗ്രേഡ് സീനിയര് സിവില് പോലീസ് ഓഫീസറായിരുന്നു സിജു. നവംബർ മുതൽ സിജു അവധിയിലായിരുന്നു. ജോലിയിൽ തിരികെ പ്രവേശിക്കാനായി വീട്ടിൽ നിന്നും മടങ്ങിയതായിരുന്നു. എന്നാൽ, പിന്നീട് ഒരു വിവരവും ഇല്ലായിരുന്നു. ഭാര്യ പോലീസ് സ്റ്റേഷനിൽ വിളിച്ച് തിരക്കിയപ്പോൾ ജോലിക്ക് എത്തിയിട്ടില്ലെന്നായിരുന്നു മറുപടി.തുടര്ന്ന് സൈബര് സെല് മുഖേന സിജുവിന്റെ മൊബൈല് ടവര് ലൊക്കേഷന് പരിശോധിച്ചപ്പോള് കൊല്ലം ടൗണിലാണെന്ന് തിരിച്ചറിഞ്ഞു. തുടർന്ന്, നടത്തിയ പരിശോധനയിലാണ് കൊല്ലം പായിക്കടയിലെ ഒരു ലോഡ്ജ് മുറിയില് നിന്ന് മൃതദേഹം കണ്ടെത്തിയത്. ജില്ലാ ആശുപത്രിയിലേക്ക് മാറ്റിയ മൃതദേഹം ബന്ധുക്കൾക്ക് വിട്ടുകൊടുത്തു.