തൃശൂർ: തൃശൂർ മണലി മടവാക്കരയിൽ പാചകവാതക സിലിണ്ടറുകള് കയറ്റിയ വാഹനത്തിന് തീപിടിച്ചു. ഉടന് തന്നെ തീ അണച്ചതോടെ വന് ദുരന്തമാണ് ഒഴിവായത്. പാചക വാതകം വിതരണം ചെയ്യുന്ന ടെംപോ ഗുഡ്സ് വാഹനത്തിനാണ് തീപിടിച്ചത്. ഈ സമയം 40 ഗാര്ഹിക പാചക വാതക സിലിണ്ടറുകളാണ് വണ്ടിയില് ഉണ്ടായിരുന്നത്. സിലിണ്ടറിലേക്ക് തി പടരാത്തതതിനാൽ വന് ദുരന്തമാണ് ഒഴിവായത്. പുതുക്കാട് വിഷ്ണു ഗ്യാസ് ഏജന്സിയുടെ വാഹനമാണ് കത്തിയത്. ഡ്രൈവറുടെ കാബിനില്നിന്നാണ് തീ ഉയര്ന്നത്. ഉടന് തന്നെ നാട്ടുകാരും ജീവനക്കാരനും തീ കെടുത്തി. പൊലീസ് സ്ഥലത്തെത്തി പരിശോധന നടത്തി. ഷോര്ട്ട് സര്ക്യൂട്ടാണ് അപകട കാരണമെന്ന് പരിശോധനയില് വ്യക്തമായി.